اول حاجة عندي تعريف ال marketing 

👈 قالي دي العملية الي كل شركة فيها بتخلق منتج او خدمة قيمة اقدر ابني من خلالها علاقات قوية مع العملاء ومقابل المنتج او الخدمة الشركة بتستفاد طبعا لانها بتاخد فلوس عل الكلام ده

عملية التسويق بتم ب 5 خطوات:  1- خطوة اني افهم احتياجات ومتطلبات العملاء  وعلشان كدة عندي 3 تعريفات لازم اخد بالي منهم  a- needs الاحتياج  الاحتياج معناه الشعور بالحرمان  

مثال: انا جعان نتيجة لاني محروم من الاكل حسيت اني محتاج اكل  ..طيب الneeds بتاعتي بتتقسم ل 3 حاجات  -physical فيزيائي زي مثلا الطعام انا حسيت اني جعان فمحتاح اكل اللبس حسيت اني معنديش لبس فمحتاج لبس 

الامان مش حاااسس بالامان محتاج احس بالامان  دي كلها حاجات physics بحسها وبحتاجها

-social اجتماعي ده الي هو الانتماء انا بنتمي لاسرتي ودايما محتاجهم جنبي

-individual فردي زي المعرفة ، التعبير عن الذات  انا في حاجة مش عارفها محتاج اعرفها  في حاجة جوايا عايز اقولها محتاج اعبر عن نفسي  كدة خلصنا ال needs  ندخل عل no 2

b-wantsمتطلبات  التطلب مبدائيا بيساوي= قرار انا باخده  Wants=decision بمعني ايه بردو يعني انا حسيت اني جعان وسكت يبقي ده need عادي جدا زي ماقولنا  لكن قولت انا جعان فهقوم اكل او هقوم اظلب بيتزا ده معناه اني خدت قرار اني اقضي عل الجوع ده  فيبقي ال want هو القرار الي انا باخذه علشان احقق الحاجة الي انا محتاجها  ندخل عل no3

c-Demand الطلب  الطلب ببساطة بيساوي=الرغبة +العنصر المالي (الفلوس) Wilingness+financial يعني مثلا انا عايزة اشتري عربية مرسيدس هل رغبتي في اني عايز اشتري عربية مرسيدس دي كفاية لا لازم يبقي في عنصر الفلوس علشان اقدر اشتريها  فالرغبة لوحدها او النية في اني اشتري حاجة مش كفاية لازم يكون فيه فلوس كمان علشان اشتريه  تمام كدة 😃

بعد كدة عندي شوية مصطلحات تانية لازم اخد بالي منها وكل ده طبعا ضمن اول خطوة  ال market offerning  او بمعني ادق عروض السوق  طبعا اي سوق بيبقي فيه منافسة بين المنتجات وبعضها او الخدمات وبعضها وكله ده بلاقيه في السوق واقدر اختار الحاجة الي ترضيني وتكفي احتياجاتي ومتطلباتي

قالي كمان حاجة مهمة اوي ان ال market offerings او عروض السوق are not limited يعني ايه الكلام ده يعني عروض السوق مش محدودة بس عل ال goods او الحاجات ال tangible لا ده كمان بتحتوي عل service& activites ودي حاجات intangible يجي حد يقول ازاي بتحتوي عل خدمات اقولك ازاي زي بطاقة الatm الي بنسحب بيها الفلوس مش دي خدمة مقدمهالك البنك هل دي سلعة لا مش سلعة دي خدمة  زي مثلا مواقع الحجز الالكتروني للفنادق انت وانت قاعد في بيتك بتختار المكان الي عايز تنزل فيه والاوضة والفيو وبتدفع اونلاين من غير ماتضطر تروح هناك وتحجز مش دي بردو خدمة جاتلك وانت في بيتك كمان اهي يبقي اذن السوق مش بي مقتصر عل السلع لا ده بيقدملي كمان خدمات

تاني حاجة ال market myopia لو ترجمنا كلمة myopia هيطلع معناها قصر النظر طب هل هما يقصدوا قصر النظر بالمعني الي احنا فاهمينه الي هو مرض قصر النظر لا اومال ايه  هنا بيقولي ياسيدي ان في خطأ بيوقع فيه معظم الشركات وانها بتدي اهتمام وانتباه كبير اوي لمنتج معين دون باقي المنتجات  زي مثلا الفترة الي كان النور بيقطع فيها كتير كان الاقبال عل شراء المولد الكهربي كبير جدااا فكانت الشركات بتتنافس بشكل رهيب عل انتاج المنتج ده وكان بيوصل سعره لارقام عالية جدا لانه افضل من الكشافات الي كانت الناس بتستخدمها نظرا لانه مطلوب وفيه اقبال عليه لان فيه benefits جديدة مكنتش في الكشافات العادية  طب دلوقتي هل الاقبال عل المولد الكهربي ده زي الاول لا طبعا هل الشركات دي بتاخذ نفس المكاسب الي كانت بتاخذها ساعتها طبعا لا  عرفتوا ليه بقي غلط لان الشركة بتحقق مكاسب في الوقت الي الناس محتاجة فيه الحاجة وبعدين تبتدي تهبط تهبط خالص  فده غلط منها انها فضلت تنتح منتج واحد ومشافتش باقي احتياجات العملاء والمستهلكين ايه

بعد كدة عندي ال exchanges يعني التبادلات يعني ايه تبادلات يعني انا بعمل معاك deal زي مابيقولوا انا هديك حاجة قصاد حاجة  انا مثلا محتاج القلم الاسود الي معاك فقولتلك تديهولي وتاخد قصاده القلم الازرق ده  وانت طبعا اهبل عادي 😂 المهم يعني ده المفصود بالتبادل

تعريف تاني مع التبادل اسمه ال realtionships او العلاقات دايما المسوقين بيسعوا انهم يبنوا علاقات قوية مع العملاء  زي شركة فودافون كدة دايما تحب تحافظ عل العميل بتاعها فتلاقيها اول ما تكلم خدمة العملاء تقولك المكالمة مسجلة لقياس مدي رضائوك عن خدمة العملاء ناس بتقيم نفسها علشان تبني علاقات مع العملاء تخليهم مستمرين في الشبكة دي

بعد كدة اخر حاجة في step 1 هي ال markets او الاسواق  الاسواق هي عبارة عن مجموعة من المشتريين الفعليين والمحتمليين الي هيشتروا ال product او ال service الي بقدمها  يعني ايه فعليين وايه محتملين ايه الكلام الكبير دا ؟؟؟ Actual buyer مشتري فعلي  هو المشتري الي فعلا اشتري المنتج الي بقدمه خلاص  طيب ال  Potential buyer مشتري محتمل  الي هو عنده نية يشتري بس لسة مشتراش المنتح او الخدمة الي بقدمها  👈طب ينفع المشتري المحتمل يتحول لمشتري فعلي  اااه ينفع  ازاي بقي !؟ لو مثلا دخلت كارفور وواحد عرض عليك منتج وانت عجبك وعندك نية تشتريه بس نسيت فلوسك مثلا فروحت قايله طيب انا هشتريه بس بكرة لاني معييش فلوس  فانا كدة اديته كلمة اني هشتري المنتج ده بس مش دلوقتي يبقي اتحولت من واحد عنده نية للشراء لواحد هيشتري فعلا بس بكرة👌

تاني خطوة معانا  2-بصمم خطة تسويقة استراتجية للعميل  اول حاجة هنا لازم اعرفها يعني ايه (ادارةالتسويق) او ال marketing management  هو فن وعلم اختيار هدف السوق لبناء علاقات فيه  ازاي يعني واين الكلام المجعلص لا دي الترجمة الحرفية حضرتك لكن هو بقي يقصد ايه  بالبلدي كدة الفهلوة الناس الي بتعرف السوق محتاج ايه وتبتدي تستغل الموضوع لصالحها زي mbc مصر كدة دلوقتي خدت كل المذيعين عندها كل مابتلاقي حد ناجح تروح وخداها وعاملة علي البرنامج بتاعه دعاية واعلانات وتكسب القناة عن طريقه بتشوف الناس بتحب ايه والدنيا ماشية ازاي وتبتدي تجيبلك برنامح بتحبه مذيع بتحبه مسرح مصر مثلا 😂

ماعلينا نرجع لمرجعونا عل راي د بسنت  عندنا 4 حاجات لازم تبقي عارفها وانت بتعمل الخطوة التانية  اولهم حاحة اسمها  a-segmenation التقسيم/التقطيع  يعني ايه يعني بقسم السوق لتقسيمات من العملاء ازاي  انا شركة زي شركة جهينة بنتج البان وعصائر بابتدي اقسم السوق مثلا لقطاعين قطاع الالبان، قطاع العصائر واقسم العملاء بتوعي في ناس هتحتاج البان اكتر او العكس تحتاج عصائر اكتر فببتدي اقسم العملاء كمان حسب احتياجتهم

b-target marketing التسويق المستهدف بعد ماقسمت السوق بتاعي لقطاعات بشوف هروح لاني قطاع من دول وابتدي اسوقله يعني بستهدف قطاع معين واعمله تسويق

في تعريف في النص كدة مهم اسمه 👌Demarkting  معناه اني بقلل عدد العملاء او طلباتهم بشكل دائم او مؤقت ازاي يعني زي التدخين كدة عايز اكره الناس في علبة السجاير ابتدي احط صور ناس مشنوقة ومقتولة ومحروقة 😂😂زي الي بيحطوها دي وبردو الناس بتشرب  او مثلا عايز احد من استخدام السيارات وارشد استهلاك البنزين فبقول للناس ايه رائيكم نركب عجل فببتدي اوجه فكرهم لحاجة تانية خالص علشان اقلل من الطلب عل حاجة تانية

C-value propostion قيمة العرض مجموعة الفوائد والقيم الي هترضي احتياجات العملاء لازم المنتج او الخدمة الي بقدمها يبقي فيها اوبشنز ترضي العميل وتبهره

D-marketing management orientaion  توجه ادارة التسويق  👈👈نركز بقي لانها بتنقسم ل 5 مفاهيم  1-اول مفهموم عندي مفهموم الانتاجproduction concept  👈 بمعني ان المستهلك هيفضل المنتجات المتاحة ليه باسعار معقولة ولذلك يجب عل ادارة الانتاج انها تحسن المنتح الي بتقدمه دايما و توزعه بكفاءة

2-تاني مفهوم مفهوم المنتج product concept  👈بمعني ان المستهلك هيفضل المنتج الي جودته عالية ، مظهره كويس ، مبتكر وعلشان كدة لازم يكون في تحسين مستمر للمنتج بتاعي من ادارة الانتاج

3-ثالث مفهوم مفهوم البيع selling concept 👈الشركات الي بتبيعلي كمستهلك لازم يبقي عندها scale selling مقياس للبيع  زي كارفور كدة لوقولنا انه كل يوم بيجيله 100 الف كيس سكر يبقي هما ال 100 يبقي العميل لو جه في اي وقت هيلاقي سكر  لكن لو بقوا 50 طب مالعميل هيجي مش هيلاقي احتياجه  او لو راح اي محل صغير مش كارفور وقالهم عايز 50 كيس سكر هل هيلاقي لا  ليه لان حصة المحل الصغير مش زي الحصة الي بياخدها ستور كبير زي كارفور لامكان هيناسب ولا الشركة الي بتصنع هتدي الي بتصنعه كله لمحل واحد

4-رابع مفهوم مفهوم التسويق marketing concept 👈ودي اني بحقق اهداف المنظمة الي بتعتمد عل معرفة احتياجات ومتطلبات المستهلكين  فاكرين to acheive org goals .هي دي بردو كدة

5-خامس مفهوم والاخيرالتسويق المجتمعي societal marketing 👈دي بتحمل الخطة الاستراتجية بتاعتي الي بتوصلني في الاخر اني اقدم خدمة قيمة للعميل

3-ثالث خطوة معانا اني بعمل خطة تسويقية متكاملة خطة متخرش الماية 😂 فقالي اني عندي حاجة اسمها markting mix  ودي عبارة عن مجموعة من 4 حاجات بتستخدمهم الشركة علشان تعمل خطة تسويقية استراتجية ايه هما ال 4 حاجات دول 4p  Product,price,promotion,place منتج هتنتجه، سعره هيبقي ايه ، اعلان للمنتح ده علشان يتعرف ، ومكان هصنع فيه  المنتج بتاعي

4-رابع خطوة عندي اني ابني علاقات مع العملاء بتوعي وعندي تعريف مهم جدا اسمه CRM Customer relationships management ده من اهم التعريفات في التسويق دي معناها اني ببني علاقات مع العملاء بتوعي عل المدي البعيد عن طريق اني اوفرلهم منتج او خدمة يكونوا راضيين عنها  فلما العميل يبقي راضي عن الخدمة ال بقدمهاله هضمن ولائه للشركة بتاعتي دايما و اضمن انه يرشحها للناس المحيطين به  فبالتالي ده هيدي الشركة بتاعتي شهرة واسعة كل ماعدد العملاء يزيد وكل مالناس تبقي راضية وسعيدة بالخدمة الي بقدمهلها  وعلشان اضمن نجاح شركتي دايما بحسن دايما ظن نفسي علشان اقدر احتفظ بالعملاء بتوعي وبولائهم للتعامل مع شركتي دايما

.. ... .... ننتقل لنقطة تانية وهي ال customer percieved value  P.v يعني القيمة الملموسة الي بيحس بيها العميل ومعني المصطلح علي بعضه هو الاختلاف بين الفوائد الي عندي و تكلفتها التسويقية بالنسبة للعروض المنافسة  ازاي يعني يعني احسس العميل عندي بقيمة الخدمة الي بديهاله شركة زي zara هي brand مشهورة جدا واسعارها عالية مقارنة بباقي اسعار الماركات التانية  ايه الي يخلي العميل يشتري منها وميشتريش من ناس تانية ان حاجتها نضيفة وخامتها كويسة والتعامل معاهم مريح  فبالتالي العميل بيفضلها حتي لو غالية علشان عارف ان تمنها فيها  فكدة شركة zaraقدرت توصل للعميل الفرق بينها وبين اي شركة تانية

عندي كمان حاحة تانية اسمها customer satisfaction رضا العميل معناها اني بحاول اشوف منتج شكله يتناسب مع توقعات العميل وزوقه فبالتالي يكون راضي عنه اذن  لو عملت منتج شكله حلو جدا احلي مما يتوقع الزبون  هيبقي اكيد في منتهي السعادة وهيبقي مبسوط بيه  Exp<per=delighted customer طيب لو عملتله منتج عادي هو حلو ويناسب زوقه بس مش واووو يعني هيبقي راضي عن المنتج اكيد Exp=per=satisfied customer طيب لو عملتله منتج ملوش شكل ولا ليه ملامح اصلا تناسبه وعكس توقعاته خالص اكيد مش هيبقي راضي عن المنتج ده Exp>performance=dissatisfied customer .......................................... Customer ralationship levels and tools علاقتي مع العملتء ليها مستويات واداوات الي هي : @Basic partnerships  دول بقي يا سيدي ويا ستي بيبقوا موجودين لما يبقس عندي هامش قليل من العملاء ازاي يعني يعني شركة زي فودافون اول ما ابتدت مكانش حد يعرفها لسة ومفيش عملاء اول ناس اشتروا خطوط دول يعتبروا عملاء اساسين او special بدأوا مع الشركة من الاول فخدوا اهتمام كبير ساعتها وخدوا benefits بردوا كتير

@Full partnerships دي بقي عندها customers كتير فمعندهاش وقت تتواصل مع كل ال customers وتقدملهم كلهم benefits شركة فودافون دلوقتي بقي عندها customers كتير جدا فابتدوا يصنفوا العملاء بتوعهم طبعا في ناس الس مشتركة في انظمة البيزنس زي رجال الاعمال الشركة بتديهم اهتمان كبير اوي وكمان benefits كتير عل عكس باقي العملاء بتوعها

👉the changing nature og customer relatonships تغير طبيعة العلاقات مع العملاء  ازاااااااي يعني؟؟ لما الشركة بتاعتي تبتدي تكبر وتتعرف بحاول بقدر الامكان اني ابقي حريص في اختيار العملاء بتوعي فبستخدم حاجة اسمها selective relationship management يعني ادارة انتقاء العلاقات فببتدي استهدف ناس اقل من ال customer العاديين وابص اني ادخل في شركتي ناس اكتر من ال profitable customer الي اقدر اكسب ارباح من خلالهم زي رجال الاعمال الي بيشتروا خطوط البيزنس في فودافون الي قولنا عليهم فوق ☝

👉partner relationship management معناها اني بشتغل مع الشركاء داخل الشركة في كذا قسم وخارج الشركة علشان اقدر اجلب اكبر فائدة للعميل وبالتالي يفضل شركتي ازاي بردو؟؟ يعني بنشوف الشركات بتبتدي تقسم ال dep بتاعتها وبتنزل مندوبين من كل قسم في الشوارع يبتدوا يسوقوا للمنتج بتاع الشركة  فتلاقي واحد في الشارع يقولك النهاردة عاملين عرض عل فلاتر الماية وهتاخد طقم جيلي 😂عاملين عرض عل مش عارف ايه وهتكسب ايه ده كل تسويق خارج الشركة

اخر صفحة 😀 بتقولي اني بقسم ال partners نوعين : a-partners inside the comp  دول شركاء داخل الشركة زي الموظغين ، وتامديرين ،روؤساء الاقسام المختلفة ودول بيتواصلوا مع العميل الكترونيا  b-partners outside the comp زي المزودين(الممدين)، المنافسين

............................. 👉supply chain سلسلة الموردين هي عبارة عن قناة تمتد من المواد الخام للمكونات الي المنتجات النهائية . يعني ايه علشان انتج رغيف عيش هحتاج ناس تديني قمح ودقيق وماء علشان تبقي عجينة وبعدين هحتاج صاج احط فيه العجين وهحتاج فزن اخبز فيه علشان اوصل للمنتج النهائي بتاعي الي هو رغيف العيش الناس الي مدوني بكل الحاجات دي اسمهم الموردين

5-اخر خطوة الحمد لله عندي 😂 اني استنفع بقي من العميل قدمتله ده كله عايز استنفع بقي مش بقدمله كل الي فات ده لله وللوطن 😊

1-customer lifetime value  معناها الحرفي قيمة التدفق الكلي للمشتريات التي تجعل العميل يحولها الي مشتريات دائمة  يعني ايه انا جبت زيت حلو اوي وعجبني وكمان جبنة كويسة و لنشون حلو انا هشتري من السوبر ماركت ده علطول  كدة خدت قرار اني هفضل مستمرة مع السوبر ماركت ده وهشتري نفس الحاجات دي